Hoqi prezervativin gjatë aktit, dënohet nga gjykata

Një 28-vjeçar është bërë i pari i dënuar në Holandë për heqjen e fshehtë të prezervativit gjatë seksit.

Khaldoun F.  iu dha një dënim me burg me kusht.

Ai u deklarua fajtor në gjykatën e Roterdamit pasi hoqi prezervativin fshehurazi dhe gruaja me të cilën ishte nuk dinte gjë.

Gjykata paralajmëroi se Khaldoun “e kishte ekspozuar ndaj sëmundjeve seksualisht të transmetueshme dhe një shtatzënie të padëshiruar”.

I dyshuari me origjinë siriane i dërgoi viktimës mesazhe më pas, duke përfshirë një që thoshte, ‘do të jesh mirë’.

Por gjyqtarët vendosën se nuk ishte përdhunim pasi kishte ‘marrëveshje ndërmjet të dyshuarit dhe ankuesit për depërtimin seksual’, dhe shtrëngimi lidhej vetëm me mospërdorimin e prezervativit.

Khaldoun u dënua me tre muaj me kusht dhe një gjobë prej 1,000 euro (883 £).

Në një çështje të veçantë, gjyqtarët shpallën të pafajshëm një burrë 25-vjeçar pasi zbuluan se ai nuk kishte hequr prezervativin në asnjë moment, por përkundrazi nuk e kishte vënë një prezervativ.

Ruben R. nga Roterdami tha se ai vullnetarisht i kërkoi [partneres së tij] një prezervativ, por ‘harroi’ ta vendoste atë.

Gjykata e shpalli të pafajshëm, duke thënë se nuk mund të provohej se ai nuk kishte përdorur qëllimisht prezervativ pasi kishte thënë se do ta bënte.

Gjykata ka mundur të tregojë qëllimin në rastin e parë nga bisedat në WhatsApp mes tij dhe partneres.

Në Holandë, këto ishin vendimet e para për këtë praktikë, raportoitransmetuesi publik NOS, duke shtuar se kishte pasur vendime të ngjashme në vende duke përfshirë Gjermaninë, Zvicrën dhe Zelandën e Re.

Shteti amerikan i Kalifornisë gjithashtu e bëri këtë praktikë të paligjshme në vitin 2021.

Në Angli dhe Uells, precedenti i praktikës gjyqësore ka vërtetuar se heqja jo konsensuale e prezervativit cilësohet përdhunim.