Një ngjarje e rëndë ka ndodhur në Itali, ku një grua, protagoniste e disa filmave pornografikë ka masakruar dhe i ka marrë jetën djalit të saj 2-vjeçar.
Fëmija kishte marrë nëntë plagë me thikë në trup, gjoks dhe qafë. Thika me të cilën ishte kryer krimi u gjet në çantën e gruas 44-vjeçare e cila e kishte hedhur bluzën e tij të mbuluar nga gjaku dhe xhupin e saj në një ndërtesë aty pranë. Ajo la trupin e pajetë të djalit në një arkë supermarketi duke tronditur punonjësit dhe klientët.
Sipas autoriteteve, nëna 44-vjeçare Catalin Erzebet Bradaks e cila dikur kishte qenë aktore në filmat pornografikë, kishte për qëllim të hakmerrej ndaj babait të fëmijës me të cilin ishte divorcuar kohët e fundit. Çifti ishte në një mosmarrëveshje të gjatë për kujdestarinë e fëmijës.
Babai, i cili jeton në Hungari, njoftoi autoritetet pasi mori një fotografi të djalit të tij të vdekur përmes WhatsApp. Autoritetet thonë se nëna e foshnjës e dërgoi foto pak para se të nisej drejt supermaketit.
