Gjetja e disa eshtrave njerëzish të gjetura në Penteli në orët e para të së mërkurës, kanë ngritur alarmin autoriteteve të policisë në Greqi.
Burime nga mediat e huaja bëjnë me dije se ka qenë, një person duke ecur në mëngjes, i cili gjeti eshtrat te vendosura pranë spitalit të fëmijëve në Penteli.
Për këtë gjetje sa të rastësishme dhe të frikshme, ai njoftoi menjëherë policinë. Në të njëjtën kohë, një antropolog mbërriti atje dhe mori eshtrat.
Nga dëshmitë e para duket se eshtrat janë me identitet dhe gjini ende të panjohur. Në të njëjtën kohë, oficerët e policisë që kanë marrë përsipër rastet janë duke kërkuar listat e personave të zhdukur dhe të vrarë në mënyrë që të hedhin më shumë dritë mbi rastin.
