Një ngjarje e tmerrshme ka ndodhur në Gjilan të Kosovës. Bëhet fjalë për një 27-vjeçar, të cilit i janë prerë dy gishtat. E gjitha për shkak të një borxhi prej 10 eurosh. Edhe pse episodi i rëndë u shënua kohë më parë, policia ka arritur të arrestojë sot njërin nga të dyshuarit. Lajmi u konfirmua nga Shaban Azizi, nga policia në Gjilan.
Ai tha se rasti ka ndodhur më 22 tetor, derisa dje është arrestuar njëri prej të dyshuarve, që sipas tij ka qenë në arrati prej ditës kur ka ndodh rasti.
“Mund tju konfirmoj se rasti ka ndodhur në tetor. Është arrestuar një i dyshuar”, ka thënë ai.
Për këtë rat detaje janë dhënë edhe në raporton 24 orësh të Policisë së Kosovës.
“Gjilan 22.10.2022 – 15:30. Me datën 12.12.2022 është arrestuar i dyshuari mashkull kosovar nën dyshimin se në muajin tetor kishte lënduar viktimën mashkull kosovar. Me vendim të prokurorit i dyshuari është dërguar në mbajtje”.
Discussion about this post