Infermierja u dënua me burgim të përjetshëm, pa mundësinë e lirimit me kusht, për vrasjen e shtatë foshnjave të porsalindura dhe përpjekjen për të vrarë gjashtë të tjera.
Ky ishte vendimi i Gjykatës së Kurorës së Mançesterit. Faktet datojnë në periudhën 2015-2016, kur gruaja punonte në maternitetin e spitalit Kontesha e Chester në Anglinë perëndimore.
Në leximin e vendimit në televizion drejtpërdrejt, gjyqtari James Goss foli për “paramendim, llogaritje dhe keqdashje” në veprimet e Lucy Letby, të cilat kishin një “ndikim të jashtëzakonshëm” në shumë familje.
“Një horror në kufi me sadizmin” tha gjyqtari James Goss.
33-vjeçarja e dënuar nuk ishte e pranishme në leximin e dënimit, duke qenë se kishte zgjedhur të qëndronte në qeli dhe të mos dilte në sallën e gjyqit, duke shkaktuar polemika të forta.
Dënimi i përjetshëm që gjyqtari Goss ka vendosur është dënimi maksimal që drejtësia britanike rrallë i drejtohet. Por vetë gjyqtari Goss foli për “të keqen e thellë në kufi me sadizmin” nga ana e Lucy Letby, e cila ka vazhduar gjithmonë të mohojë “ftohtësisht” krimet që ajo ka kryer.
“Të marra së bashku, këto krime të vrasjes dhe tentativës për vrasje janë të një ashpërsie jashtëzakonisht të lartë dhe dënimi i drejtë sipas ligjit është burgimi i përjetshëm”, shtoi Goss.
Discussion about this post