Të tronditur nga ngjarja makabër në Fier, ku një 8- vjeçar i identifikuar me emrin Mateo Vellasia u rrëmbye dhe u vra mizorisht, banorët e fshtatit Grecalli shprehen se 20 vite më parë, autori kishte përdhunuar edhe një vajzë. Ky njeri sipas tyre meriton të vritet e jo të vuajë në qeli. Një tjetër tregon se autori jetonte në një godinë që ngjante me një kasolle.
“Di që është pijanec dhe bëni mirë ta vrisni mos ta fusni fare në burg. Para 20 vitesh ka përdhunuar edhe një vajzë. Normal që kemi frikë se kam vetë vëlla të vogël. Dhe po të ma bënte mua do e vrisja vetë”, thotë ai.
Pasi e ka rrëmbyer, Klodian Çalamani e ka vrarë 8-vjeçarin me lopatë dhe më pas e ka mbuluar me baltë në oborrin e banesës së tij. Ka qenë e ëma e cila ka ngritur alarmin se fëmija e saj ishte zhdukur, teksa kanë denoncuar në polici.
Deri më tani ai ka shfaqur personalitet të paqëndrueshëm duke mos dhënë arsyen pse e ka kryer krimin mabakabër, ndonëse ka pranuar autorësinë e tij.
Discussion about this post