Pak para nisjen në Itali, kryeministri Edi Rama ka dalë në një konferencë nga aeroporti i Rinasit lidhur me ngjarjen e rëndë që tronditi opinionin publik mbrëmjen e martë ku monstra Klodian Çalamani rrëmbeu e më pas vrau fqinjin e tij vetëm 8 vjeç, Mateo Vasiu.
Para gazetarëve, Rama i shprehu ngushëllimet familjes, ndërsa për monstrën në fjalë tha se duhet të marrë dënimin më ekstrem.
“Siç të gjithë e keni marrë lajmin tragjik të ditës së djeshme e gjithë shoqëria është tronditur, por mbi të gjitha mbetet e pangushëllueshme për prindërit, për familjen për të afërmit, humbja e vogëlushit Mateo. Ajo që nuk e bën më të lehtë peshën e kësaj humbjeje, në mendjen dhe në zemrën e babait, familjes por sidoqoftë pritet me padurim nga të gjithë është verdikti më ekstrem i drejtësisë mbi barbarin i cili falë reagimit të menjëhershëm dhe identifikimit dhe kapjes së shpejtë nga policia gjendet sot prapa hekurave”, tha Rama.
Krimi horror që tronditi Fierin dhe të gjithë Shqipërinë, ndodhi ditën e djeshme në fshatin Greçalli të Fierit. Klodian Çalamani, 38-vjeçari kishte rrëmbyer e më pas vrarë e groposur në oborrin e banesës së tij, fqinjin e tij vetëm 8 vjeç, Mateo Vllasiu. Ai u arrestua nga policia, ndërsa aktualisht ndodhet prapa hekurave.
Discussion about this post