Në qendër të skandalit ndodhet një tender i shpallur rishtazi, me vlerë rreth 80 mijë euro për “hostimin e faqes zyrtare të KQZ-së”, një shërbim që në tregun real nuk do të kushtonte më shumë se 3 mijë euro në total për tri vite.
Tenderi i artë për një shërbim që s’vlen as bakër
fondi limit për këtë procedurë është 8,119,870 lekë pa TVSH, i ndarë për tri vite buxhetore:
- Viti 2025: 1,691,638 lekë
- Viti 2026: 4,059,936 lekë
- Viti 2027: 2,368,296 lekë
Në total: rreth 80 mijë euro me TVSH.
E gjitha kjo për një shërbim që ofrohet nga dhjetëra kompani për më pak se 500 euro në vit, përfshirë mirëmbajtje, server dhe certifikatë sigurie.
Një procedurë me erë korrupsioni
Burime nga sistemi i drejtësisë konfirmojnë se ky tender është në radarët e SPAK, për shkak të dyshimeve të forta se është i paracaktuar për një kompani të afërt me zyrtarë të KQZ-së. Jo vetëm çmimi është shumëfishuar, por edhe mënyra si është strukturuar buxhetimi duket se është bërë për të kamufluar shpenzimin final.
Loren Mavriqi “juristja e heshtur” që firmos pazaret?
Në këtë histori ka një emër që përsëritet: Loren Mavriqi, juriste në KQZ. Siç tregohet në profilin e saj publik në Facebook, Mavriqi ka një histori pune të mëparshme pranë OSHEE dhe EVEREST IE, por aktualisht mban pozicion kyç në KQZ.
Loren Mavriqi është bashkëpunëtore e ngushtë e Ilirjan Celibashit dhe është një nga personat që përgatit dhe mbulon nga ana ligjore tenderat me negocim, duke qenë urë lidhëse mes drejtuesit të institucionit dhe operatorëve të preferuar që përfitojnë fondet publike.
Kjo lidhje e brendshme e bën edhe më të dyshimtë faktin se tenderi për “hostimin e faqes” është bërë në kushte të paqarta, me kushte që u përshtaten vetëm disa operatorëve. /Publik Media/
Discussion about this post