Është vetëdorëzuar ish-Drejtori i ALUZINI-t, Mariel Murati i cili ishte shpallur në kërkim që prej 13 marsit pasi ndërtoi pa leje një hotel 7-katësh në Sarandë.
Bëhet fjalë për Hoteli “Yacht” në lagjen nr. 4 të Sarandës që u ndërtua pa leje dhe më pas u legalizua e hipotekua në shkelje të ligjit.
Është pikërisht ky hotel që çoi pas hekurave zyrtarë dhe ish-zyrtarë të Inspektoratit të Mbrojtjes së Territorit, Legalizimeve, Kadastrës. Pas një hetimi disa mujor Prokuroria e Sarandës firmosi 11 urdhër-arreste, 9 janë arrestuar dhe 2 në kërkim.
Mes të kërkuarve ishte edhe Murati, pronar i hotelit e njëkohësisht ish-Drejtor i Legalizimeve në Sarandë, i cili është vetëdorëzuar sot.
Discussion about this post