Kandidati i opozitës për kryetar bashkie në Rrogozhinë, Shkëlqim Hoxha, tha se beteja e tij po bëhet jo vetëm ndaj kandidatit të PS-së, por dhe kryetarit të bashkisë së Tiranës, Erjon Veliaj dhe të gjithë qeveritarëve.
Hoxha e konsideron një fushatë jonormale, duke qënë se në qytetin e Rrogozhinës kanë zbarkuar qeveritarë dhe biznesmenë të fuqishëm, të cilët kanë bllokuar aktivitetet e mbështetëve të opozitës, në mënyrë që të mbajnë situatën e tyre nën kontroll.
“Kjo gjithçka mund të quhet por vetëm fushatë nuk është. Është një fushatë komplet e pabarabartë. Është një fushatë komplet e deformuar, ku përballë meje në vend që të kisha kandidatin rival të mazhorancës unë kam përballë kryetarin e bashkisë së Tiranës, Erjon Veliaj dhe të gjithë Qeverinë. E gjithë qeveria, e gjithë administrata publike e shtetit shqiptar ka zbarkuar në Rrogozhinë. Këtu janë mbledhur të tgjithë drejtorët e institucioneve, AKU, tatimet, doganat, policia, të gjithë kryetarët e bashkive të mazhorancës.
Të gjithë biznesmenët më të fuqishëm kanë zbritur në Rrogozhinë, të gjitha bandat kanë zbritur në Rrogozhinë.
Për të hyrë në Rrogoxhinë duhet të kalosh minimalisht 7-të postblloqe policie dhe atëherë mund të thuash që ke hyrë në qytet”, tha Hoxha në Syri Tv.
Sipas tij, kjo është një situatë jashtëzakonisht jonormale, ku vetëm fushatë nuk mund ta quash.
“Mbështetësit e mij janë totalisht nën presion. Në momentin që mbështetësit e mi që janë faktor politik por që kanë edhe aktivitete private të vjen drejtori i AKU e të bllokon aktivitetin, të vë një gjobë prej 6 milion lekësh dhe po i njëjti inspektor thotë ‘në qoftë se dëshiron ta hapësh duhet të flasësh më lali Erin’.”, tha Hoxha.
Discussion about this post