Hoxhaj i pakapshëm për mbrojtjen gjeorgjiane, dhuron spektakël dhe ngre stadiumin peshë

Ka kaluar më shumë se gjysma e pjesës së parë e ndeshjes mes Shqipërisë dhe Gjeorgjisë dhe rezultati mbetet i barabartë 0-0.

Ajo që vihet re është forma e jashtëzakonshme e majtoshit Arbër Hoxha, i cili po dhuron spektakël në fushë.

Triblimet dehëse të tij po e bëjnë të pakapshëm për mbrojtësit gjeorgjianë, të cilët të vetmen mënyrë për të mos e lënë të hyjë në zonë dhe të bëhet edhe më i rrezikshëm janë faullat.

Duhet theksuar se si Shqipëria ashtu edhe Gjerogjia po luajnë një ndeshje me ritëm por pa krijuar ende rast të pastër shënimi.

Kuqezinjtë e nisën mjaft mirë këtë kompeticion, duke mundur me përmbysje Ukrainën në Pragë me rezultatin 1-2. Skuadra e Sylvinhos zhvilloi një duel mjaft të mirë, duke e dominuar takimin deri në fund.

Nga ana tjetër, Gjeorgjia gjithashtu ka treguar një formë të mirë. Pasi bëri surprizën në Euro 2024, ekipi i Willy Sagnol zhvilloi dhe një sfidë të mirë me Republikën Çeke, duke triumfuar me rezultatin 4-1.

SHQIPËRI 0-0 GJEORGJI

29′ Asllani godet nga distanca, por tentativa e tij shkon mbi kuadrat.

27′ Mikautadze godet nga distanca, me topin që shkon jashtë kuadratit.

23′ Asani hedh një kros të ulët drejt zonës, me topin që shkon në duart e Mamardashvilit.

12′ Arbër Hoxha driblon bukur drejt zonës dhe godet me të djathtën, por tentativa e tij shkon mbi kuadrat.

3′ Hysaj hedh një top drejt zonës dhe Manaj godet, por topi ndalet nga mbrojtja gjeorgjiane.

SHQIPËRIA: Strakosha, Hysaj (C), Ismajli, Kumbulla, Mitaj, Ramadani, Asllani, N. Bajrami, Hoxha, Asani, Manaj.

Trajner: Sylvinho

gijotina.com/