Masa disiplinore nuk e pengoi deputetin e PD, Ervin Salinaji të hidhte sërish akuza ndaj ish-zv.kryeministrit Erion Braçes, ndërsa nuk munguan as ofendimet.
Salianji iu drejtua Braçes duke thënë se herës tjetër do të marr një objekt që është i gjatë sa ai, ku pak më vonë shtoi se e kishte fjalën për një brisk rroje.
“Pyetja ishte e thjeshtë nuk e di pse të djeg kaq shumë. Nëse është zv.kryeministër tjetër, pa diskutim që duhet parë. Nëse është parafolësi i përfshirë në krim nga laguna e Karavastas, këtë jua provoj edhe tek foltorja tjetër. Nuk është personale me ty. E shikon vetëm këmbën kam. Herën tjetër do marr një brisk që është i gjatë sa ty. Jeni të gjithë të përfshirë.” tha Salianji.
Debati mes të dyve shkoi drejt konfliktit fizik, ndërsa u desh ndërhyrja e gardës për të qetësuar situatën. Kjo solli që seanca plenare të ndërpritet për pesë minuta dhe të fillojë sërish.
Discussion about this post