Humb jetën 51-vjeçari në Lushnje, e shoqja kallëzon në polici mjeken e spitalit

Një 51-vjeçar ka humbur jetën në spitalin e Lushnjes. Bashkëshortja e viktimës fajëson një mjeke të spitalit për vdekjen e të shoqit.

Ajo ka bërë një kallëzim në komisariatin e qytetit ku akuzon mjeken për neglizhencë.

“Në Komisariatin e Policisë Lushnjë është paraqitur për të bërë kallëzim shtetasja F.G., 51 vjeçe, e cila pretendon se për shkak të neglizhencës në trajtimin mjekësor në Spitalin Rajonal Lushnjë, nga mjekja e spitalit, shtetasja E.N., 39 vjeçe, ka humbur jetën bashkëshorti i 51-vjeçares””, njoftoi policia këtë të martë.

Materialet procedurale i kaluan Prokurorisë për veprime të mëtejshme, shtuan të njëjtat burime.