Një 56-vjeçar i cili po peshkonte me gjenerator në lumin Drin në Bulqizë ka humbur jetën.
Ngjarja ka ndodhur në vendin e quajtur ”Tre Çezmat” tek zalli i Bulqizës teksa viktima ra në kontakt me rrymën elektrike.
Policia ka shkuar në vendin e ngjarjes dhe po heton për sqaruar ngjarjen.
NJOFTIMI NGA POLICIA
Bulqizë/informacion paraprak
Rreth orës 18.30, është dërguar në spitalin e Bulqizës pa shenja jete shtetasi R. M., 56 vjeç, i cili paraprakisht dyshohet se duke gjuajtur peshk në lumin Drin, ka rënë në kontakt me rrymën elektrike dhe për pasojë ka humbur jetën.
Grupi hetimor vijon hetimet për zbardhjen e rrethanave të ngjarjes.
