Presidenti i vendit tonë, Ilir Meta, ka reaguar pak minuta më parë në lidhje me vdekjen e ish-presidentit të Greqisë, Karolos Papulias. Përmes një postimi në Facebook, Meta shkruan se do të kujtohet gjithmonë punë e tij për të rritur bashkëpunimet ekonomike dhe jo vetëm mes Greqisë dhe Shqipërisë, ndërsa i shpreh ngushëllime familjarëve.
“Mësova me trishtim ndarjen nga jeta të ish-Presidentit të Republikës së Greqisë, Karolos Papulias. Vlerësim të madh për rolin historik dhe kontributin e Tij të çmuar në përmirësimin e marrëdhënieve dhe forcimin e fqinjësisë së mirë mes Shqipërisë dhe Greqisë, si dhe për frymën konstruktive dhe vullnetin e sinqertë të dëshmuar për rivendosjen e urave dhe frymës së bashkëpunimit në të gjitha fushat mes dy popujve tanë. Për mua do të mbeten të paharruara takimet me të dhe sidomos respekti dhe përzemërsia e Tij ndaj popullit shqiptar dhe Shqipërisë”, shkruan Meta, duke theksuar se Greqia ka humbur një personalitet që, kontribuoi në rivendosjen e demokracisë dhe progresin e vendit të tij.
Discussion about this post