Humb jetën në det turistja 60-vjeçare, dyshimet e para

Një shtetase 60-vjeçare ka humbur jetën sapo ka hyrë në det, teksa ndodhej si turiste në Durrës.

Sipas një njoftimi nga Policia, dyshohet se shtetasja S.V, 60 vjeçe, banuese në Bosnje Hercegovinë, humbi jetën sapo ra në kontakt me ujin. Dyshimet janë se 60-vjeçarja ka pësuar arrest kardiak.

Durrës/Informacion paraprak

Rreth orës 13:20, në lagjen nr.13, dyshohet se sapo ka rënë në kontakt me ujin, në det, ka pësuar arrest kardiak dhe si pasojë ka humbur jetën, shtetasja S. V., 60 vjeçe, banuese në Bosnje Hercegovinë.

Grupi hetimor vijon punën për sqarimin e rrethanave të kësaj ngjarjeje.