Humb jetën nga koronavirusi gjyqtari i Korçës, Maksim Qirjazi.
Sipas informacioneve, pas gjendjes së rënduar është transportuar në kryeqytet ku ka qëndruar për 10 ditë i intubuar në spitalin Infektiv, ku edhe ka ndërruar jetë.
Qirjazi, humbi jetën nga sëmundja e rëndë që ka pushtuar tërë botën, në moshën 65-vjecare.
Ditën e djeshme, në 24 orët e fundit, janë regjistruar 3 humbje jete dhe kanë rezultuar pozitivë 998 persona. Ndërsa numri i të shëruarve ka shkuar në 866 persona.
Dje gjithashtu u raportuan se 149 pacientë po merrnin trajtime, ndërsa numri i testimeve kishte shkuar në 1,101,062.
MSH u bën apel qytetarëve të vaksinohen sa më parë për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
