Lufta me COVID19 në Kosovë vijon teksa virusi vdekjeprurës nuk ka kursyër as nënat shtatzënë, teksa së fundmi është raportuar se një 29-vjeçare në prag për tu bërë nënë ka vdekur në Qendrën Klinike Universitare të Kosovës, si pasojë e infektimit me COVID-19.
Mësohet se lajmin për vdekjen e saj e ka konfirmuar doktoresha e mjekimit intensiv, Agreta Gecaj-Gashi, e cila ka deklaruar se e reja ka humbur jetën të hënën. Ajo ka deklaruar se viktima nuk ka qenë e vaksinuar.
“Pardje ka vdekur, nuk ka qenë e vaksinuar. Viktima ka qenë e lindur në vitin 1991”, ka deklaruar Gecaj Gashi.
Gjithashtu, ajo thotë se edhe katër gra shtatzëna që po trajtohen në mjekimin intensiv janë në gjendje të rëndë shëndetësore si pasojë e infektimit me COVID-19.
