Një zjarrfikës ka humbur jetën në Greqi teksa luftonte me flakët në Atikë.
Zjarrfikësi vullnetar, 38-vjeç u paraqit në spital në gjendje të rëndë shëndetësore. Megjithë përpjekjen e mjekëve ai nuk ka mundur t’ia dalë duke humbur kështu jetën.
Sipas dëshmitarëve, zjarrfikësi po luftonte me flakët, ku një shtyllë elektrike u rrëzua dhe e goditi në kokë. Deri më tani në vendin fqinj, ky është viktima e parë.
Vatra të mëdha zjarri mbeten ende aktive në Greqi. Zjarret vijojnë në Afidnes, Ippokratio Politia dhe Kryoneri dhe kanë përfshirë shtëpitë, bizneset dhe makinat.
