Një 25-vjeçar me origjinë shqiptare, banues në Canosa Sannita, është aksidentuar me makinë në zonën e Santa Lucias në Itali.
Sipas mediave italiane, shqiptari po ngiste makinën e tij Fiat Panda kur humbi papritur kontrollin e saj pranë një kthese.
Nga përplasja pjesa e përparme e makinës doli jashtë rrugës, duke u përplasur fillimisht me një kolonë gazi, pastaj me një pemë, dhe më pas përfundoi anash përgjatë rrugës.
Shoferi u hodh nga kabina, duke pësuar disa plagë. Menjëherë në vendngjarje shkoi ambulanca e cila e dërgoi të riun në spitalin e Pescarës, ku ndodhet në gjendje të rëndë pas plagëve të shumta.
