Humb kontrollin e mjetit dhe del nga rruga, ndërron jetë 65-vjeçari në Kurbin

Një aksident me pasojë vdekje ka ndodhur pak më parë në fshatin Shullaz të Kurbinit. Sipas rapoirtimit të policisë, mësohet se një 65 vjeçar ka humbur kontrollin e mjetit dhe ka dalë nga rruga. Si pasojë e lëndimeve të marra drejtuesi i mjetit ka humbur jetën në spital.

Njoftimi i policisë

Kurbin/Informacion paraprak

Rreth orës 07:30, në fshatin Shullaz, shtetasi N. J., rreth 65 vjeç, duke drejtuar automjetin dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.

Si pasojë e plagëve të marra, shtetasi N. J., ka humbur jetën në spital.

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.