Një aksident tragjik ka ndodhur në Itali. Viktimë ka mbetur një 40-vjeçar shqiptar. Mësohet se Alban Dushi ka humbur jetën, pasi makina me të cilën udhëtonte në Brescia ka dalë nga rruga duke u përplasur me një pemë.
Para përplasjes, makina ka përplasur një grua 50-vjeçare e cila ndodhej në trotuar. Në vendngjarje kanë mbërritur urgjenca 118 dhe nuk kanë mundur të bëjnë asgjë për 40-vjeçarin.
Ndërkohë 50-vjeçarja ndodhet jashtë rrezikut për jetën. 40-vjeçari po drejtonte një kamionçinë Mercedes, ndërsa humbi kontrollin e makinës e cila përfundoi në trotuar në buzë të rrugës. Policia po heton rreth zbardhjes së plotë të ngjarjes.
Discussion about this post