Një aksident ndodhi pasditen e sotme në By Pass-in në dalje të qytetit të Beratit, në lagjen “Uznovë e madhe”. Sipas raportimeve, një automjet tip “Skoda Fabia” që udhëtonte drejt daljes së qytetit u përplas me dy shtylla ndriçimi, pasi drejtuesi i mjetit humbi kontrollin.
Si pasojë e aksidentit, automjeti është shkatërruar totalisht në pjesën e përparme, ndërkohë që drejtuesi i saj ka dalë nga mjeti pa lëndime.
Në vendngjarje kanë shkuar efektivë të shumtë të qarkullimit rrugor, të cilët po kryejnë edhe veprimet e para në vendin e aksidentit, për të kuptuar shkaqet dhe dinamikën e tij.
Shkak për aksidentin mendohet të jetë bërë shpejtësia përtej normave të lejuara nga drejtuesi 28-vjeçar.
Discussion about this post