Kryeministri i Kosovës, Albin Kurti ka shprehur ngushëllime familjarëve të viktimave të sulmit në Gllogjan të Deçanit. Kurti konfirmon se deri më tani nga kjo tragjedi raportohen 3 vdekje, mes tyre 2 fëmijë.
“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit. Sipas Policisë së Kosovës nga ky sulm kanë mbetur të vrarë tre qytetarë të vendit tonë, prej të cilëve dy nxënës”, shkruan ai.
Ndër të tjera Kurti tha se policia është mobilizuar për të hetuar këtë krim dhe për të mundësuar drejtësi. “Në emrin tim dhe në emër të Qeverisë së Republikës së Kosovës, u shpreh ngushëllimet më të sinqerta familjeve, shokëve e shoqeve, që humbën më të dashurit në këtë sulm. Të plagosurit i dëshirojmë shërim të shpejtë. Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi”, shkruan Kurti, duke shprehur bindjen se kërkimit nuk do ndalen derisa autori të marrë ndëshkimin e merituar.
Discussion about this post