Mediat italiane kanë publikuar emrat e dy vëllezërve shqiptarë që humbën jetën në një aksident tragjik ditën e shtunë në zonën e Chessas në Itali. Viktimat janë identifikuar si Mersin e Aklen Myftarago, 44 dhe 38 vjeç.
Ata punonin në bujqësi dhe jetonin prej vitesh në Arcille, një fshat i Campagnatico dhe në kohën kur ndodhi aksidenti dy vëllezërit ishin nisur për në punë.
Mediat italiane shkruajnë se 38-vjeçari ishte baba i dy fëmijëve dhe bashkëshortja e tij ishte shtatzënë me fëmijën e tretë, ndërsa vëllai tjetër kishte 3 fëmijë.
Dy vëllezërit po shkonin për në punë, kur u përplasën me një tjetër makinë dhe përfunduan jashtë rruge. Nga ngjarja mbeti i plagosur edhe një person i tretë, një 28-vjeçar po shqiptar, i cili mësohet se ndodhet në spital.
Discussion about this post