Zbardhen emrat e 8 viktima që humbën jetën tragjikisht ditën e djeshme në Milano. Raportohet se në total janë dy familje, njëra prej tyre italiane dhe tjetra, ajo e miliarderit rumun, Dan Petresku.
Ky i fundit, 68 vjeç ishte njëkohësisht dhe piloti i avionit privat kur u përplas me ndërtesën në Milano dhe me pas mjeti fluturues shpërtheu në flakë.
Petrsku ndërroi jetë në vend bashkë me të shoqen, Regina Dorotea Petrescu Balzat, 65 vjeçe dhe të birin, Dan Stefan, 30 vjeç. Julien Brossard, 36 vjeç, një mik kanadez i Dan Stefan Petrescu mbeti gjithashtu i vdekur në aksidentin ajror.
Katër viktimat e tjera ishin anëtare të një familjeje italiane. Ata janë: Filippo Nascimbene, 33 vjeç nga Pavia, por banues në Milano; djali i tij Raphael, i lindur në vitin 2020.
Nëna e Raphael dhe gruaja e Filippo Nascimbene, Claire Stephanie Caroline Alexandrescou, 34 vjeç, e lindur në Francë, si dhe nëna e Claire Stephanie Caroline, Miruna Anca Wanda Lozinschi, 65-vjeçare rumune me shtetësi franceze. Fillimisht u raportua se mes viktimave kishte dhe një fëmijë, por të dhënat e përditësuara kanë treguar që jo.
