Sherfi Mukaj ka humbur pa lënë asnjë shenjë.Familjarët e 28-vjeçarit kanë denoncuar në polici humbjen e tij, teksa kanë rrëfyer se hera e fundit kur ai është parë, ka qenë në datën 1 nëntor të këtij viti.
Familjarët shprehen se 28-vjeçari nuk ka folur me asnjë para se të largohej, ndaj dhe nuk ka informacion se ku mund të ketë ikur.Ngjarja ka ndodhur në fshatin Starje, të Bashkisë Kolonjë.
Sherfi Mukaj para se të zhdukej ka lënë makinën dhe sendet e tij personale.
Familjarët e 28-vjeçarit jetojnë prej vitesh në SHBA, por për shkak të kësaj ngjarjeje janë kthyer në Shqipëri për të kërkuar djalin e tyre.Deri në këto momente nuk kanë asnjë informacion për vendndodhjen e djalit të tyre.
Ndërkohë sendet personale të të riut janë në dorëzim të policisë, për t’i shërbyer kërkimeve.Familjarët para bluve kanë theksuar se nuk dinë që djali i tyre të ketë pasur konflikt me ndonjë person.
Discussion about this post