Barcelona është dënuar me 500 mijë euro gjobë për shkeljen e rregullave të Fair Play-t Financiar (FFP) gjatë vitit financiar 2022/2023.
Reuters raporton se “Blaugranët” kanë humbur apelimin e tyre kundër gjobës, pasi u zbulua se nuk kishin raportuar drejtë të ardhurat e tyre.
Trupi i Kontrollit të UEFA-s arriti në përfundimin se ata kishin përfshirë të ardhurat nga asetet jo-materiale në llogaritë e tyre të dorëzuara në UEFA, që nuk janë shitje të lojtarëve dhe që nuk lidhen me llogaritjet e FFP-së.
Ndonëse nuk është një dënim i madh, nuk është aspak i mirëseardhur për Barcelonën, e cila po përpiqet të shpenzojë brenda kontrolleve financiare të La Ligas.
Të ardhurat që u raportuan gabim ka të ngjarë të kenë të bëjnë me shitjen e aseteve të tyre, duke përfshirë të drejtat televizive dhe një përqindje të filialit të tyre të shpërndarjes së imazhit.
Për Barçën beteja kryesore ka të bëjë me rastin Negreira. Të akuzuar për korrupsion sportiv dhe ryshfet, ata arritën të sigurojnë pezullimin e ekzekutimit nga UEFA, e cila mund t’i përjashtonte për prishjen e reputacionit të kompeticionit.
Te UEFA do të presin për të parë nëse Barcelona do të shpallet fajtore përpara se të marrin një vendim për veprimin e tyre, që ka të ngjarë të jetë një përjashtim për një vit, nëse klubi dënohet.
Discussion about this post