Humbet jetën “foshnja e mrekullisë”! U shpëtua nga barku i nënës së vdekur

Ka humbur jetën dhe foshnja që u konsideruar “foshnja e mrekullisë” e cila u shpëtua nga barku i nënës në Gaza.

Sipas BBC Sabreen al-Sakani lindi me prerje cezariane në një spital në Rafah pak pas mesnatës të së dielës. Mes skenave kaotike, mjekët e ringjallën foshnjën, duke përdorur një pompë dore për të futur ajrin në mushkëri.

Megjithatë, fëmija vdiq të enjten dhe u varros pranë nënës së saj. Sabreen ishte mes 16 fëmijëve të vrarë në dy sulme ajrore në Rafah fundjavën e kaluar. Të gjithë u vranë në një bombardim që synonte kompleksin rezidencial ku ata jetonin.

Forcat e Mbrojtjes të Izraelit (IDF) thanë se kishin shënjestruar luftëtarët dhe infrastrukturën e Hamasit. Nëna e Sabreen ishte shtatë muaj e gjysmë shtatzënë kur sulmi ajror izraelit goditi shtëpinë e familjes al-Sakani pak para mesnatës të së shtunës, ndërsa ajo, burri i saj Shukri dhe vajza e tyre trevjeçare, Malak, flinin.