Klubi i Milan është duke vëzhguar mesfushorin kroat të Inter, Marcelo Brozovic, kontrata e të cilit me ‘Zikaltërit’ përfundon vitin e ardhshëm.
Lojtari është i preferuar për trajnerin Stefano Pioli, i cili e ka pasur në urdhrat e tij në kohën kur drejtonte skuadrën e Interit. Kroati shihet si një zëvendësues i mundshëm i Franck Kessie, i cili ende nuk ka rinovuar me ‘Kuqezinjtë’ e Italisë.
Ndërsa Brozovic nuk pranon që të rinovojë me Interin nëse paga e tij nuk do të jetë 6 milionë euro në sezon. Milan është në gjendje ta paguajë atë shifër në rast se do të humbiste lojtarin nga Bregu i Fildishtë dhe do i duhej një tjetër emër i rëndësishëm për mesfushën.
Kjo në të njëjtën kohë do të ishte edhe ‘hakmarrje’ për humbjen që pësoi gjatë këtij viti, pasi Inter i mori me parametra zero yllin e ekipit, turkun Hakan Calhanoglu./K.T/Gijotina.com
