Zamira Durdaj, nëna e Edisonit i cili humbi jetën në tragjedinë e Gërdecit ka folur pas shtyrjes së seancës ndaj ish ministrit Fatmir Mediu. Ajo deklaroi për gazetarët se kërkon drejtësi pse i biri nuk jeton më dhe do i shkojë kësaj çështje deri në fund.
“Kërkoj drejtësi dhe të më japin një përgjigje pse Edisioni nuk jeton. Për mua nuk është e mjaftueshme akuza për shpërdorim detyre. Unë do të shoh si do të vazhdojë. Dua një përgjigje pse Edisoni nuk jeton. Për sa kohë prokuroria ka çuar vetëm atë nga zyrtarët e lartë, kam kërkuar të hetohet dhe të marrë ose fajësi ose pafajësi”, u shpreh Durdaj.
Ndërkohë avokati theksoi se prokurori ka mbajtur sekret procesin hetimor dhe nuk ka ndarë asnjë informacion.
“Të kesh apo të mos kesh besim te drejtësia nuk është gjëja më e rëndësishme. Kaluam nga një epokë kur kjo çështje nuk gjykohej fare, kaluam te një çështje që po gjykohet. Ka një fraksion hetimi por nuk kemi informacion për asnjë më shumë. Prokurori nuk ndan informacione me askënd. Kur të vijë momenti për t’i komunikuar akuzën dikujt do të jetë moment për të folur”, deklaroi Durdaj.
Discussion about this post