Në mbledhjen e sotme të Këshillit të Ministrave, është ekzekutuar vendimi i Gjykatës Evropiane për të Drejtat e Njeriut, ku detyron qeverinë që të dëmshpërblejë banorin e fshatit Gërdec, Mustafa Laçi, me shumën e 10 mijë eurove.
Vendimi është publikuar në Fletoren Zyrtare dhe në të thuhet se pagimi i shumës të këtij vendimi, në favor të Mustafa Laçi, do bëhet nga Ministria e Financave dhe Ekonomisë pas paraqitjes së dokumentacionit të nevojshëm ligjor për kryerjen e pagesave nga buxheti i shtetit, brenda afatit 3-mujor nga dita kur vendimi i Gjykatës është bërë përfundimtar.
Mustafa Laçi është një nga banorët që humbi një familjar në tragjedinë e Gërdecit, e cila ishte e shoqja e tij. Laçi mesa duket e ka çuar deri në fund drejtësinë e tij, ku ka mundur të marrë një dëmshpërblim për fatkeqësinë që i bëri shteti shqiptar.
Discussion about this post