Fizioterapisti i Kombëtares tonë, Ylli Mihali humbi jetën nga Covid-19 më 13 shtator.
E ftuar në “ABC e Mëngjesit”, bashkëshortja e Mihalit, Nerida Guri ka treguar se nuk vuante nga asnjë sëmundje tjetër, madje ishte shumë i kujdesshëm ndaj shëndetit.
Nerida ka sqaruar të gjithë zërat për vaksinën, duke theksuar se Mihali kishte bërë që në fillim të dyja dozat e Sinovac.
“Neve na përfshiu të gjithëve në shtëpi. Unë u riinfektova se për herë të parë isha në tetor. Ylli nuk kishte asnjë sëmundje tjetër përveç Covid. Ylli ishte shumë i fiksuar pas shëndetit, pasi kishte të bënte edhe profesionist i tij, si fizioterapist. Madje bënte rregullisht check up. Ai ishte i vaksinuar, e ka bërë që në fillim vaksinën kur erdhën të parat Sinovac. Bëri dozën e parë më 19 prill dhe të dytën më 19 maj. Mbante maskë, madje dy maska. Ruhej shumë. Në lidhje me vaksinën mjekët nuk kanë dhënë ndonjë shpjegim”.-tha ajo
Më tej, Nerida tha se e ndjen shumë mungesën e tij në çdo rrugë që kalon, i duket sikur e ka në krahë.
“Pata ditëlindjen më 5 tetor dhe më mungoi shumë një urim nga Ylli. Pata fatin të kisha njerëzit e mi afër, tre mbesat e tij ma sollën një dhuratën në një formë sikur ma ka sjellë ai. Tani pa të është shumë e vështirë, në çdo rrugë që eci më shfaqet. Nuk ka asnjë cm rrugë që unë mos të kem ecur me të, më duket sikur e kam një krahë”.-vijoi ajo.
Teksa kujtojmë se Ylli Mihali ka qenë pjesë e Kombëtares për vite të tëra dhe i ka ndihmuar shumë lojtarët ‘Kuqezi’ në rrugëtimin e tyre.
