Një turiste gjermane, 31-vjeçare, humbi jetën pasditen e sotme në zonën e Shalës në Shkodër.
Ngjarja e rëndë ndodhi teksa një grup turistësh ishin duke ngjitur malin, ndërsa në afërsi të “Shpellës së Harapit” kanë rrëshkitur.
Si pasojë, turistja gjermane ka humbur jetën, por nga raportimet mësohet se janë plagosur rëndë edhe dy turistë të tjerë.
Turistja gjermane ka rënë në një greminë.
Dy të plagosurit janë ende në vendngjarje dhe presin për ndihmë nga autoritetet, për t’i transportuar drejt spitalit.
Gjithashtu trupi i pajetë i 31-vjeçares gjermane pritet të nxirret nga gremina.
Discussion about this post