Humbi kontrollin e furgonit dhe u përplas me pemën, në gjendje të rëndë i riu shqiptar

Një aksident i rëndë ka ndodhur sot në Itali, ku ka mbetur i plagosur një shqiptar. Mediat e huaja bëjnë me dije se aksident i rëndë ka ndodhur  në Riçione të Italisë ku një shqiptar ka humbur drejtimin e furgonit dhe është përplasur fuqishëm me një pemë në anë të rrugës.

I plagosur shqiptari ka mundur që të dalë nga mjeti, por disa minuta më vonë është ndjerë keq. Për shkak të gjendjes së rëndë ai është transportuar në një spital me helikopter. Siç duket edhe nga pamjet, përplasja ka qenë shumë e fortë, aq sa makina është shkatërruar pothuajse e gjitha.