Federata Ndërkombëtare e Notit ka ndëshkuar ashpër Anita Alvares, pas humbjes së ndjenjave në pishinë. Notares i është ndaluar të garojë në Budapest. Notarja amerikane u shpëtua gjatë garës në pishinë nga trajnerja e saj, Andrea Fuentes e cila u shpreh e bindur që Anita do të vazhdonte të përfaqësonte vendin e saj pasi t’i nënshtrohej analizave. Fuentes u filmua duke u zhytur në pishinë për t’i shpëtuar jetën Anita Alvarez, e cila humbi ndjenjat gjatë notit dhe përfundoi në fund të ujit.
Trajnerja nuk hezitoi të hidhej në ujë, teksa rojet e shpëtimit vëzhgonin notaren teksa zhytej në ujë.
“Ajo nuk dëshiron të largohet nga këtu me foton e saj pa ndjenja në fund të pishinës”, tha Fuentes.
Por zyrtarët e FINA-s i i thanë ekipit amerikan të notit të sinkronizuar se Anita nuk mund të merrte më pjesë në Kampionatin Botëror.
Vendimi u mor vetëm disa orë përpara ndeshjes së skuadrës pasditen e sotme.
Ende nuk ka pasur ndonjë reagim zyrtar nga notarja apo trajnerja e saj, i cili fitoi katër medalje olimpike dhe 16 medalje të Kampionatit Botëror.
Discussion about this post