Kryedemokrati Sali Berisha ka deklaruar sot se do të kalojë në votëbesim. Në komunikimin e përjavshëm me gazetarët, Berisha tha se do të zbatohet statuti i PD-së për humbjen në zgjedhjet lokale.
“Me status, kryetari që humbet zgjedhjet lokale kalon në votëbesim dhe e njëjta gjë do të ndodhë si me zgjedhje të vjedhur ashtu edhe me zgjedhje të lira. Pra unë nuk kam nevojë për asnjë lloj alibie, sepse statuti do të zbatohet pikë për pikë”, tha ai.
Berisha u pyet nëse do të dorëhiqet nëse humbet në zgjedhjet parlamentare që do të mbahen në vitin 2025. “Unë do zbatoj statutin. Statuti thotë dorëheqje automatike. Ai ka një kuptim të fortë”, u përgjigj ai.
Discussion about this post