Një ditë pasi humbi zgjedhjet përballë ish-kryeministrit Sali Berisha, për kreun e Partisë Demokratike, ka ardhur reagimi i parë dhe nga Ibsen Elezi.
Teksa falenderon të gjithë ata që e inkurajuan në këtë garë, Elezi ka dhe një mesazh për ata që e presin ndryshimin nga kafja duke thënë se do kalojnë jetën në pritje duke rrezikuar dhe brezin që vend. Elezi shprehet se përballja me të keqen do të duhet të jetë thelbi i politikës.
“Së pari për ata që më inkurajuan dhe votuan, shumicën pa i takuar dhe as njohur. Së dyti për atë pjesë të medias, gazetarët dhe opinionistët që më inkurajuan. Së treti për stafin tim modest prej 4-personash që përballoi këto 10 ditë fushate të ngarkuar dhe gjithë vëzhguesit që ndoqën procesin e votimit. Kujtesë! Për ata që mendojnë se do vijnë ditë më të mira duke ndenjur në kafe apo si spektator para TV, ju them me keqardhje se jo vetëm do e kalojnë ashtu në pritje jetën e tyre, por rrezikojnë edhe brezin që vjen. Ata që presin të arrijnë diçka thjesht se i servilosen dikujt dhe apo ata që presin se kur do vijë dita e marrëveshjes për ndarjen e karrigeve, duhet të kuptojnë se nuk do i shërbejnë dot as vetes dhe jo më të ardhmes së këtij vendi. Në themel të ecjes para është përballja me të keqen, aq më shumë në politikë”, shprehet Elezi.
Discussion about this post