Deputeti i Qarkut të Dibrës, Xhelal Mziu i kërkon dorëheqjen Lulzim Bashës, pas humbjes së zgjedhjeve në 6 bashkitë.
Gjatë mbledhjes së grupit parlamentar të PD me dyer të mbyllura, e cila u shoqërua me debate të forta, thuajse të gjithë deputetët i kërkojnë largimin Bashës.
Humbja dërrmuese e 6 marsit ka qenë e papranueshme për deputetët. “Zoti Basha, zgjedhjet u humbën. Ju keni përgjegjësi dhe duhet të jepni dorëheqje”, mësohet të jetë shprehur Xhelal Mziu.
Me këtë dështim, erdhi edhe dorëheqja e deputetit të parë të pakënaqur nga rezultati i votave. Pasi dha dorëheqjen nga çdo funksion të Partisë Demokratike, ka ardhur dhe reagimi i deputetit dhe nënkryetarit të PD-së, Agron Gjekmarkaj. Me anë të një postimi në Facebook, Gjekmarkaj përsëriti vendimin e tij se kishte dhënë dorëheqje nga funksionet politike në PD, ndërsa sugjeroi që të bëjnë një hap pas dhe Basha dhe Berisha. Mes të tjerash Gjekmarkaj sugjeroi për garë në PD.
Discussion about this post