Skuadra e Bajernit të Mynihut u mund në shtëpi nga Eintraht Frankfurt me rezultatin 2-1. Një disfatë e papritur për kampionët e Gjermanisë teksa trajneri Nagelsman provoi për herë të parën shijen e humbjen me bavarezët. Pas ndeshjes ai u shpreh:
“Kjo humbje të dhemb shumë. Ishte e para për ne dhe absolutisht e pamerituar për mënyrën se si shkoi ndeshja. Shpërdoruam shumë dhe rreziku që mund të pësonim ishte aty”, tha Nagelsman.
Duhet të shënonim të paktën dy pas barazimit të tyre. Më pas pësuam dhe gjithçka u bë më e vështirë. Gjithsesi, kokën lart dhe të shohim përpara pasi kampionati është ende i gjatë. Kemi ende shumë punë përpara. Për fat të mirë kjo humbje nuk ka asnjë ndikim në renditje pasi do të vazhdojmë të jemi në vendin e parë. Pushimi dyjavor do të jetë një mundësi e mirë për t’i rigjeneruar energjitë, edhe pse do të kemi disa lojtarë me kombëtaret e tyre. Shpresoj që ata të kthehen të shëndetshëm dhe në formë. Do të jetë një ndalesë në kohën e duhur.”
