Deputetja e Partisë Demokratike, Ina Zhupa ka kërkuar dorëheqjen e kryedemokratit Lulzim Basha. Sipas Zhupës, PD do e marrë veten nga humbja e thellë e 6 marsit përmes votës. Gjatë mbledhjes së grupit Parlamentar, deputetja e selisë blu ka propozuar ngritjen e një strukture që gëzon besimin e të dy palëve.
“Partia Demokratike s’mund të diskutojë më, e dyta apo e treta në zgjedhje, por duhet një plan bashkimi që ka si bazë votën e lirë të demokratëve. Nuk mund të qëndrojmë sikur rezultati i zgjedhjeve të 6 Marsit nuk ka ndodhur dhe besoj ky është qëndrim i çdo deputeti të PD që e do partinë dhe ka për detyrë të komunikojë me demokratët dhe të garantojë që ato vota të 25 prillit të shtohen dhe jo të pakësohen. Si zgjidhje propozoj tërheqjen tuaj kryetar dhe duke u ngritur një strukturë që gëzon besim të palëve se tashmë kemi dy palë dhe që hap një garë për drejtimin e partisë që shumica e demokratëve të vendosë dhe të respektohen të gjitha pakicat që mund të marrë kushdo kandidat në garë. Vota mund të zgjidhë këtë situatë mendoj, që në zgjedhjet e 2023-shit të shkojmë si opozitë e madhe që mund të mundim Ramën për të mirën e çdo qytetari”, ka deklaruar Zhupa.
Discussion about this post