Gjermania pësoi një humbje të turpshme ndaj japonisë, në miqësoren që u luajt një ditë më parë.
Në 5 ndeshjet e fundit Gjermania e Hansi Flick ka koleksionuar 4 humbje ndaj Belgjikës, Polonisë, Kolumbisë dhe Japonisë, si dhe një barazim kundër Ukrainës.
Ndeshjen e fundit atë ndaj Japonisë, gjermanët e humbën me rezultatin 4-1.
E ndërkohë në rrjet qarkullon një video virale, që duket se ka ngritur pikëpyetje mbi një komplot të lojtarëve ndaj trajnerit.
Kur ndeshja ishte 2-1 në favor të miqve, Gosens ka humbur një top që është kthyer në një kundërsulm të lehtë për Japoninë, që ka realizuar pa shumë probleme golin e tretë.
Rudiger mund të kishte provuar të vihej në ndjekje të kundërshtarëve, por në mënyrë të mistershme ka qëndruar pa lëvizur në rrethin e mesfushës, duke e nisur vrapin pas disa sekondash kur tashmë ishte shumë vonë.
Në fakt, janë të shumtë ata që mendojnë se sjellja e Rudiger është një konfirmim se skuadra është kundër trajnerit Hansi Flick dhe se pret me padurim që ai të shkarkohet.
Watch Rudiger delay his sprint back very strange. https://t.co/nnskD55nrM
— TheSecretScout (@TheSecretScout_) September 9, 2023
Discussion about this post