Humbja me Teutën ditën e sotme ka rezultuar “fatale” për trajnerin e Egnatias. Edlir Tetova nuk do të jetë më trajner i rrogozhinasve, me drejtuesit që kanë vendosur të ndajnë rrugët.
Te Egnatia ndërkohë kanë nisur nga puna për të gjetur edhe trajnerin e ri dhe janë disa opsione. Një prej tyre është Shpëtim Duro, i larguar nga Laçi pas ndeshjeve të kupave të Europës.
Tekniku kryeqytetas i njeh disa prej lojtarëve të Egantias, pasi i ka pasur nën urdhra në skuadrat që ka drejtuar më parë. Veç Duros, mësohet se rrogozhinasit kanë kontaktuar edhe Gentian Mezanin.
Vlonjati është i lirë që pas largimit nga Gjilani dhe disa herë është përfolur për t’u rikthyer në Superiore. Tashmë emri i tij del për tek Egnatia, që së shpejti pritet të vendosë për emrin e trajnerit të ri.
Discussion about this post