Deputeti i PD-së, Ervin Salianji është shprehur se për teka të kryeministri Rama, shqiptarët do të duhet t’i paguajnë biznesmenit italian Francesco Becchetti minimalisht 110 milion euro.
Ai u shpreh se “për shkak të luftës që u bën Rama mediave sot Shqipëria do paguajë këtë shifër. I njëjti rast do jetë nëse vazhdon me Prestige, ku për shkak të interesave personale godet lirinë e medias”.
“Rama për shkak të përfshirjes në këtë aferë, ku për shkak të tekave të Kryeministrit do u duhet t’i paguajnë minimalisht 110 milion euro Becchetti-t. Nuk është në diskrecionin e Shqipërisë apo të kryeministrit merr pjesë apo jo, janë kontrata të firmosura. Për shkak të luftës që u bën Rama mediave sot Shqipëria do paguajë këtë shifër. I njëjti rast do jetë nëse vazhdon me Prestige, ku për shkak të interesave personale godet lirinë e medias. Për shkak të aferës ku është përfshirë nuk lejon ngritjen e Komisionit Hetimor, nuk jep avokati i shtetit asnjë përgjigje se sa janë detyrimet që ka Shqipëria në gjyqet e Arbitrazhit.
Është retorikë politike e shpifur, nëse ai është kriminel dhe posedon apo ka në pronësi një televizion, institucionet shqiptare duhet të vendosin përmes shkresave dhe letrave, ta çojnë në gjykatë për të vazhduar proceduarat. Nëse i jep 110 mln euro një krimineli është problem i Ramës, këto para i jepen për shkak të shkeljes së të drejtave. Çfarë thotë Rama nuk duhet dëgjuar sepse deri më sot ka treguar se gënjen e mashtron nga mëngjesi deri në darkë.
Nuk ka për të ndodhur dalja nga Arbitrazhi, janë budallëqe që thuhen për të tollovitur dynjanë sikur ka ndonjë gjë në dorë. Rama ka për t’i paguar si çeçua çdo para e abuzim që bën.
Kemi kërkuar që çdo paligjshmëri t’iu ngarkohet zyrtarëve dhe jo të paguajnë shqiptarët për këto paligjshmëri.”, u shpreh Salianji.
Discussion about this post