Humbja në “El Clasico”, Laporta nuk i mban nervat, hyn në dhomën e gjyqtarëve

Barcelona u mposht 3-1 në “El Clasico” nga Real Madrid, me sfidën që është luajtur në “Santiago Bernabeu”.

Pas humbjes me “Los Blancos”, Joan Laporta u përball me gjyqtarët pasi ishte i pakënaqur me vendimet e tyre, teksa se ishte futur në dhomën e gjyqtarëve.

Gjyqtari kryesor i ndeshjes, Jose Maria Sanchez Martinez, hodhi poshtë pretendimet e Barcelonës për një penallti për një faull brenda zonës ndaj sulmuesit, Robert Lewandowski.

Ai dha një penallti në fundin e ndeshjes për “Los Blancos” pas ndërhyrjes së Eric Garcias në Rodrygon, me këtë të fundit që pastaj shënoi nga pika e bardhë.

Sipas raportimeve, Laporta ka hyrë vazhdimisht në dhomën e zhveshjes së gjyqtarëve pas ndeshjes, për të kërkuar përgjigje mbi vendimet.

Gazetari nga “SPORT”, Samuel Marsden, raportoi se në raportin e gjyqtarit rreth ndeshjes thuhet se Laporta hyri në dhomë dhe kërkoi vazhdimisht shpjegime për disa vendime derisa iu kërkua që të largohej pa raportuar incidente të mëtejshme.