Vllaznia humbi me Labërinë ndeshjen e parë të turit të dytë të Kupës së Shqipërisë me shifrat 2-1. Trajneri i ekipit shkodran Tomas Bërdariç nuk ka justifikuar humbjen por kërkon me çdu kusht përmbysjen ndeshjen e ardhshme.
“Për të qenë i sinqertë, ndeshjen e kishim marrë shumë seriozisht. Madje, u kemi dhënë minuta disa lojtarëve që nuk kanë luajtur në kampionat. Diçka nuk shkoi ashtu si e prisnim dhe për këtë do të bisedoj me futbollistët. Nuk dua që të kërkoj alibi, por ne ishim disi naivë në fushë.
Nga ana tjetër, kundërshtari ishte më agresiv se ne. Në Shkodër do të synojmë që të përmbysim rezultatin. Duam që të kalojmë në raundin tjetër dhe jam i bindur ndeshja e radhës do të jetë shumë më ndryshe”, ka thënë kreu i pankinës kuqeblu.
