Legjenda e futbollit kavajas, Përparim Daiu ka reaguar pas humbjes turpëruese të Besës ndaj Vllaznisë me shifrat 9-0.
“Turpi s’paska fund dhe limite.
Boll tragjikomedisë me emrin e madh të Besës. Ka vite që poshtërohet me rezultate tenistike për të bërë qoka e për t’u tallur me gjakun e djersën të shumë futbollistëve me emër të kësaj skuadre. Boll luajtët me ndjenjat e tifozëve të një komuniteti prej 110 mijë personash nga Rrogozhina deri në Golem, boll keni aktruar me teatër dramë komedi këto 8 vite me rezultate tenistike me Apoloninë, Elbasanin apo sot me Vllazninë. Stop kësaj katrahure për të qenë dinjitozë e mos degraduar këtë emër të madh që është sinonimi i qytetit Kavajë, KF BESA”.
