Çështjet e humbura në Gjykatën e Arbitrazhit rrezikojnë në nivel të lartë buxhetin e shtetit dhe rrjedhimisht të ardhurat e qytetarëve. Këtë fakt e ka pranuar edhe vetë qeveria përmes buxhetit faktik të depozituar në Kuvend, ku specifikohet se faturat e arbitrazhit mbeten rrezik edhe për vitin aktual. Sipas të dhënave të publikuara, deri fund të viti 2020 fatura që shëtit shqiptar duhet të paguaj me taksat tona për çështjet e humbura në Arbitrazh regjistrohet më shumë se 33 milionë lekë.
Ndërsa duhet theksuar këtu, që në këtë faturë nuk janë përfshirë dy çështjet e fundit që humbën në fillim të këtij viti. “Ato kanë të bëjnë me vendimet e formës së prerë për zgjidhjen e konflikteve në mosmarrëveshjet dy ose shumëpalëshe, në ngarkim të shtetit shqiptar. Duke patur parasysh efektet e qënësishme financiare që rëndom shoqërojnë këto vendime, ato vlerësohen me risk të konsiderueshëm për buxhetin e shtetit. Vendime gjyqësore, arbitrazhe ndërkombëtare, fatkeqësi natyrore, etj, që mund të sjellin kosto buxhetore shtesë në buxhetin e shtetit deri në fund të viti 2021”, thuhet në raport.
Ndër të tjera evidentohet se, ministrisë më problematike janë ajo e Energjisë, Ministria e Bujqësisë dhe Ministria e Financave.
“Në vitin 2020, vlera totale e vendimeve të arbitrazhit të paguara nga buxheti i shtetit rezultoi në masën rreth 33.3 milion lekë. Nga këto: 1.5 milion lekë, nga Ministria e Infrastrukturës dhe Energjisë, për likuidimin e faturave të shërbimeve juridike, për përfaqësimin dhe mbrojtjen në çështjet e arbitrazhit ndërkombëtar.
8.694 milion lekë nga Ministria e Bujqësisë dhe Zhvillimit Rural, për pagesën e kostove administrative të Tribunalit.
23.1 milion lekë nga Ministria e Financave dhe Ekonomisë, për pagesën e shërbimeve juridike dhe procesin e anulimit të një vendimi arbitrazhi”, përcakton raporti.
Në këtë raport vlerësohen me rrezik të lartë edhe projektet me PPP. Në dokument theksohet se, pagesat vjetore për PPP-të, mund të tejkalojnë nivelin e lejuar ligjor prej 5% të të ardhurave tatimore faktike të vitit 2021.
E.H/gijotina.com/
