Nga Klodian Tomorri
E vënë në qendër të skandaleve, për abuzime me kreditë siç janë rastet e fundit të bëra publike në media, Raiifeisen ka nxituar të shpëlaje imazhin e saj duke bërtitur publikisht se po mbështet familjet e reja me kredi të buta.
Si i mbështet Raiffeisen familjet e reja me kredi të buta? Është duke hequr para nga fitimet e veta të majme. Përgjigja është jo.
Ata qe po mbështesin familjet e reja me kredi të buta janë taksapaguesit shqiptarë jo Raiffeisen. Paratë i paguan buxheti. Ndërsa Raiffeisen jo vetëm që nuk mbështet asnjë lek, por përkundrazi fiton para edhe nga kreditë e buta. Por Raiffeisen bën humor me hallet e miletit.
Për të vazhduar më tej, thonë që kemi shumë programe të përgjegjshmërisë sociale! Çfarë programesh të përgjegjshmërisë sociale ka Raiffeiseni?
Ka mbështetur me burse ndonjë fëmijë nga shtresat në nevoje? Ka financuar ndërtimin e ndonjë shkolle apo spitali? Jo. Ka mbështetur ndonjë të moshuar pa njeri? Jo. Thjesht kanë mbjellë ca pemë nga liqeni, dhe edhe aty janë përdorur politikisht. Këto janë programet e përgjegjshmërisë sociale te Raiifeisenit. Por nejse.
Problemi më i madh me Raiffeisen dhe një pjesë të bankave të huaja është diku tjetër. Ato po shndërrohen në frenues te rritjes ekonomike ne Shqipëri.
Menaxheret e huaj qe ato sjellin ne Shqipëri nuk e kanë fare në prioritetet e tyre menaxhuese financimin e ekonomisë kombëtare. Por përkundrazi. Luajnë ne fushën e tyre të sigurtë dhe jetojnë jetën e bukur qe u ofron Shqipëria.
Here më të dashurat dhe here me të dashurit e tyre, sipas rastit. Këto punët e festave lavish i bene mire Raiffeisen. Ndërsa sa për përgjegjshmërinë sociale, janë këto barcaletat me kreditë e shtresave në nevojë.
Lexo edhe:
Qytetarja fiton gjyqin kundër “Raiffeisen”, banka e zhvati për kredinë e ish-burrit me letra false
Discussion about this post