Hungaria nuk do të mbështesë Kosovën për anëtarësim në Këshillin e Europës. Këtë fakt e ka bërë të ditur Ministri i Punëve të Jashtme të Hungarisë.
Në një prononcim për median serbe Tanjug, diplomati hungarez tha se qëndrimi i Hungarisë për anëtarësimin e Prishtinës në Këshillin e Evropës ka qenë i qartë edhe më parë dhe se Hungaria dëshiron të ketë paqe, stabilitet dhe siguri në rajonin e Ballkanit Perëndimor.
“Ne jemi të fokusuar për suksesin e dialogut ndërmjet Beogradit dhe Prishtinës, por besojmë se kandidatura e Kosovës për anëtarësim në organizatat ndërkombëtare nuk i kontribuon atij dialogu. Hungaria nuk do të mbështesë pranimin e Kosovës në Këshillin e Evropës”, tha ministri.
Discussion about this post